heart attack during-exercise : உடற்பயிற்சி செய்யத் தொடங்கிய சில நிமிடங்களிலேயே அதிக களைப்பு, மூச்சுத் திணறல் அல்லது நெஞ்சில் இறுக்கம் போன்ற உணர்வுகள் ஏற்படுகிறதா?
குறிப்பாக ஜிம்மிற்கு புதிதாகச் செல்பவர்கள், அல்லது நீண்ட இடைவெளிக்குப் பிறகு மீண்டும் உடற்பயிற்சியைத் தொடங்குபவர்கள் இதுபோன்ற அறிகுறிகளை அனுபவிப்பது அசாதாரணமானது அல்ல. இதற்குப் பல சாதாரண காரணங்கள் இருக்கலாம்.
உடற்தகுதி இன்னும் மேம்படாத நிலை, சரியான Warm-up செய்யாமல் நேரடியாகக் கடினமான பயிற்சிகளில் ஈடுபடுவது, உடலில் நீர்ச்சத்து குறைபாடு (Dehydration), போதுமான தூக்கமின்மை, அதிக மனஅழுத்தம் அல்லது அளவுக்கு மீறிய உடற்பயிற்சி போன்றவை இதற்குக் காரணமாக இருக்கலாம்.
பெரும்பாலான சந்தர்ப்பங்களில், சரியான ஓய்வு, போதுமான நீர்ச்சத்து மற்றும் முறையான பயிற்சித் திட்டத்தின் மூலம் இந்தப் பிரச்சினைகளைச் சரிசெய்ய முடியும். ஆனால், எல்லா நெஞ்சு வலியையும் சாதாரணமாக எடுத்துக்கொள்ளக் கூடாது.
மாரைடைப்பின் அறிகுறியா?
சில நேரங்களில், உடற்பயிற்சியின் போது ஏற்படும் நெஞ்சு வலி மாரடைப்பின் ஆரம்ப எச்சரிக்கை அறிகுறியாக இருக்கலாம்.
குறிப்பாக கடுமையான மார்பு வலி அல்லது அழுத்தம், மூச்சுத் திணறல், திடீர் தலைச்சுற்றல், குமட்டல், அதிக வியர்வை, மேலும் வலி இடது கை, இரு கைகள், கழுத்து, தாடை அல்லது முதுகுப் பகுதிக்கு பரவுவது போன்ற அறிகுறிகள் இருந்தால், அவற்றை ஒருபோதும் அலட்சியப்படுத்தக் கூடாது.
இத்தகைய எச்சரிக்கை அறிகுறிகள் உடற்பயிற்சியின் போது தோன்றினால், உடனடியாகப் பயிற்சியை நிறுத்தி மருத்துவ உதவியை நாடுவது மிகவும் அவசியம். வலியைப் பொருட்படுத்தாமல் தொடர்ந்து உடற்பயிற்சி செய்வது நிலைமையை மேலும் மோசமாக்கி, உயிருக்கு ஆபத்தான விளைவுகளை ஏற்படுத்தக்கூடும்.
உடற்பயிற்சியின் போது ஏற்படும் நெஞ்சு வலி மற்றும் அதிக களைப்பிற்கான பொதுவான காரணங்கள் என்ன, எந்த அறிகுறிகள் சாதாரணமானவை, எவை ஆபத்துக்கான எச்சரிக்கை அறிகுறிகள், மேலும் எந்தச் சூழ்நிலையில் உடனடியாக மருத்துவரை அணுக வேண்டும் என்பது குறித்து இந்த காணொளியில் விரிவாகப் பார்க்கலாம்.