ஆரோக்கியம் மற்றும் அதிக சத்துக்கள் கொண்ட சீதா பழத்தினை சாப்பிட்டால் ரத்த சர்க்கரை அளவு அதிகரிக்குமா என்பதை இந்த பதிவில் தெரிந்து கொள்வோம்.
சீதாப்பழம்
சீதாப்பழம் பல சத்துக்களைக் கொண்டுள்ள நிலையில், இவை வெப்பமண்டலப் பழமாக கூறப்படுகின்றது. கண் மற்றும் இதய ஆரோக்கியத்திற்கு சிறந்ததாக கருதப்படுகின்றது.
சீதாபழத்தில் அதிகளவில் நார்ச்சத்து நிறைந்துள்ளதுடன், வைட்டமின் சி, வைட்டமின் ஏ, மெக்னீசியம், பொட்டாசியம் மற்றும் இரும்புச்சத்துக்கள் நிறைந்து காணப்படுகின்றது.
இயற்கையாக சர்க்கரை அளவு அதிகமாக உள்ளதால், நீரிழிவு நோயாளிகள் சாப்பிடும் போது சற்று கவனமாக இருக்கவும். நீரழிவு நோயாளிகளுக்கு இந்த பழம் ஏற்றதா என்பதை தொடர்ந்து தெரிந்து கொள்வோம்.
சீதாப்பழத்தின் நன்மைகள்
நோய் எதிர்ப்பு சக்தியை அளிப்பதுடன், இதிலுள்ள பொட்டாசியம் இரத்த அழுத்தத்தினை கட்டுப்படுத்த முக்கிய பங்கு வகிக்கின்றது.
இதிலுள்ள நார்ச்சத்து செரிமானத்தை மேம்படுத்துவதுடன், ரத்த சர்க்கரை அளவை கட்டுப்படுத்தவும், நீரிழிவு நோயாளிகளுக்கு மிகவும் முக்கியமானதாக பார்க்கப்படுகின்றது.
நீரிழிவு நோயாளிகளுக்கு சிறந்ததாக இருந்தாலும் இதனை தினமும் சாப்பிடுவதைத் தவிர்க்க வேண்டும். 2 அல்லது 3 நாட்களுக்கு ஒருமுறை சிறிய துண்டு சீதாப்பழத்தினை சாப்பிடுவது சிறந்தது.
வெறும் வயிற்றில் எடுத்துக்கொள்ளாமல் உணவு சாப்பிட்ட பின்பு இதனை எடுத்துக்கொண்டால் ரத்த சர்க்கரை அளவு திடீரென உயர்வதைத் தடுக்குமாம்.
நீரிழிவு நோயாளிகள் மருத்துவரைக் கலந்தாலோசித்த பின்பு உணவுமுறையை மாற்றிக் கொள்ளவும். ஏனெனில் சீதாபழம் சாப்பிட்ட பின்பு சிலருக்கு திடீரென ரத்த சர்க்கரை அளவு அதிகரித்துவிடும்.
ஆதலால் சாப்பிடுவதற்கு முன்பும், பின்பும் சர்க்கரை அளவை சரிபார்த்துக் கொள்ள வேண்டும்.