அமெரிக்காவில் நவம்பர் மாதத்தில் இடைத்தேர்தல்கள் நடைபெறவுள்ள நிலையில், கச்சா எண்ணெய் விலையானது ட்ரம்ப் நிர்வாகத்தின் மீது அந்நாட்டு மக்களிடையே கடும் அதிருப்தியை ஏற்படுத்தியுள்ளதாக தகவல்கள் தெரிவிக்கின்றன.
இதையடுத்து கச்சா எண்ணெய் இறக்குமதி மற்றும் இடைத்தேர்தல்களை கருத்தில் கொண்டு, அமெரிக்க ஜனாதிபதி ட்ரம்ப் ரஷ்யாவுடன் வர்த்த ஒப்பந்தம் செய்வதற்கு முன்வந்துள்ளார்.
புடின்-ட்ரம்ப் சந்திப்பில் எட்டப்பட்ட உடன்பாடு
இதைத்தொடர்ந்து ரஷ்ய ஜனாதிபதி புடின், சமீபத்தில் அமெரிக்காவுக்கு வருகை தந்து ட்ரம்பை சந்தித்தார். இந்த சந்திப்பிற்கு பிறகு, அமெரிக்கா மற்றும் உலக சந்தைகளுக்கு உடனடியாக 3,00,000 தொன்களுக்கும் அதிகமான டீசல் எரிபொருளை ரஷ்யா வழங்க உள்ளதாக ட்ரம்ப் தெரிவித்தார்.
இதை உறுதிப் படுத்தும் விதமாக, அமெரிக்கா மற்றும் உலக சந்தைகளுக்கு எண்ணெய் மற்றும் எண்ணெய் பொருட்களை வழங்க தயாராக உள்ளதாக ரஷ்யா தெரிவித்தது.
ஒப்பந்தத்திற்கு கண்டனம் தெரிவித்த ஜெலன்ஸ்கி
இதையடுத்து ரஷ்யா மற்றும் அமெரிக்கா இடையேயான ஒப்பந்தத்திற்கு கண்டனம் தெரிவித்த உக்ரைன் ஜனாதிபதி ஜெலன்ஸ்கி, “டீசல் ஏற்றுமதி மீதான தடைகள் நீக்கப்பட்டதற்கு நன்றி தெரிவிக்கும் விதமாக, இன்று உக்ரைன் குடியிருப்புகள் மீது ரஷ்யா ஐந்து குண்டுகளை வீசி தாக்குதல் நடத்தியது” என்று எக்ஸ் தளத்தில் பதிவிட்டார்.
Advertisement
இந்த நிலையில், ரஷ்யாவுடனான போரை முடிவுக்கு கொண்டுவருவதற்கான ஒப்பந்தத்தை உக்ரைன் ஜனாதிபதி வொலோடிமிர் ஜெலன்ஸ்கியால் எட்ட முடியவில்லை என்று சுட்டிக்காட்டிய ட்ரம்ப், உக்ரைனுக்கு ஒரு புதிய ஜனாதிபதி தேவை என்று கூறியுள்ளார்.
உக்ரைனுக்கு புதிய ஜனாதிபதி
மேலும் வெள்ளை மாளிகையில் ட்ரம்ப் செய்தியாளர்களுக்கு அளித்த பேட்டியில், “ஒரு உடன்பாட்டை ஏற்படுத்தக்கூடிய ஒரு புதிய தலைவரை உக்ரைன் நியமிக்க வேண்டும் என்று நான் பரிந்துரைக்கிறேன்.
ஏனோ தெரியவில்லை, ஜெலன்ஸ்கி அதை ஒருபோதும் செய்வதில்லை. அந்த போர் ஒருபோதும் தொடங்கியிருக்காது. உக்ரைனுக்கும் ரஷ்யாவுக்கும் இடையிலான அந்த போர் தொடங்குவதற்கு எந்த காரணமும் இல்லை. அது திறமையின்மையால் தொடங்கியது. ஜெலன்ஸ்கி தனது நாட்டின் 30% பகுதியை இழக்கச் செய்தார்,
மேலும் இந்த போரில் இருபது லட்சத்திற்கும் அதிகமானோர் கொல்லப்பட்டுள்ளனர். அது ஒருபோதும் தொடங்கியிருக்கவே கூடாத ஒரு போர். மேலும், உக்ரைனுக்கு ஒரு புதிய ஜனாதிபதி தேவை என்று நான் நினைக்கிறேன்,” என்று தெரிவித்தார்.