அமெரிக்கா முன்வைத்த அமைதி உடன்படிக்கைக்கான ஈரானின் பதிலைத் தான் வாசித்ததாகவும், அது முற்றிலும் ஏற்றுக்கொள்ள முடியாதது என்றும் டொனால்ட் ட்ரம்ப் அறிவித்துள்ளார்.

இது தொடர்பான அறிவிப்பை ட்ரம்ப், தனது ட்ரூத் சோஷியல் தளத்தில் வெளியிட்டுள்ளார்.

புதிய சிக்கல்

ஈரானின் இந்த பதில் தொடர்பாக அவர் வெளியிட்டுள்ள கடுமையான நிலைப்பாடு, வளைகுடா பிராந்தியத்தில் நிலவி வரும் 10 வார காலப் போரை முடிவுக்குக் கொண்டுவரும் அமைதிப் பேச்சுவார்த்தைகளில் புதிய சிக்கலை ஏற்படுத்தியுள்ளது.

Image Credit: Al Jazeera

பாகிஸ்தான் ஊடாக இன்று வழங்கப்பட்ட ஈரானின் பதிலில், ஹோர்முஸ் நீரிணையை மீண்டும் திறப்பது மற்றும் அணுசக்தித் திட்டம் தொடர்பாக அமெரிக்காவின் நிபந்தனைகள் குறித்து தெஹ்ரான் சில இணக்கமற்ற கருத்துக்களை முன்வைத்துள்ளதாக சர்வதேச ஊடகங்கள் தெரிவிக்கின்றன.

இந்த நிலையில், ஈரானின் உத்தியோகபூர்வ பதிலை ட்ரம்ப் நிராகரித்துள்ளமை குறிப்பிடத்தக்கது.