ஈரானுக்கு இராணுவ உபகரணங்களை வழங்கப்போவதில்லை என சீன ஜனாதிபதி ஷி ஜின்பிங் உறுதியளித்துள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.

பெய்ஜிங்கில் இரு நாட்டு தலைவர்களுக்கு இடையிலும் நடைபெற்ற பேச்சுவார்த்தையின் போது இந்த விடயத்தை அவர் தெரிவித்ததாக ட்ரம்ப் கூறியுள்ளார்.

எவ்வாறாயினும், ஈரானுடனான சீனாவின் பொருளாதார உறவுகளை, குறிப்பாக எண்ணெய் கொள்வனவை ஷி ஜின்பிங் வலியுறுத்தியதாக அவர் சுட்டிக்காட்டியுள்ளார்.

ஹோர்முஸ் நீரிணை விவகாரம் 

ஈரானில் இருந்து அதிகளவிலான எண்ணெயைச் சீனாவிற்கு விற்பனை செய்வதாகவும், அதனைத் தொடர்ந்து முன்னெடுக்க விரும்புவதாகவும் சீன ஜனாதிபதி தன்னிடம் கூறியதாக ட்ரம்ப் குறிப்பிட்டுள்ளார்.

Image Credit: Al Jazeera

மேலும், ஹோர்முஸ் நீரிணை மீண்டும் திறக்கப்படுவதை சீனா விரும்புவதாக தெரிவித்த ட்ரம்ப், அந்த நீரிணை ஊடாகப் பயணிக்கும் கப்பல்களிடம் ஈரான் கட்டணம் வசூலிப்பதாக வெளிவரும் செய்திகள் குறித்து சீனத் தலைவர் அதிருப்தி வெளியிட்டதாகவும் தெரிவித்துள்ளார்.