அனுராதபுரம் – பாதெனிய ஏ-28 பிரதான சாலையில் உள்ள ஆலங்குளம் பகுதியில் இன்று(05) காலை ஒரு மோட்டார் சைக்கிளும் தனியார் பேருந்தும் மோதிக்கொண்டதில் ஏற்பட்ட கோரமான விபத்தில், எப்பாவளாவில் உள்ள ஒரு அரச வங்கியின் முகாமையாளர் உயிரிழந்தார்.
உயிரிழந்தவர், 43 வயதான திருமணமாகாத ரோகன் ஜயந்த பண்டார என அடையாளம் காணப்பட்டுள்ளார்.
அரச வங்கியில் முகாமையாளர்
அவர் உயிரிழந்த நேரத்தில் எப்பாவளவில் உள்ள ஒரு அரச வங்கியில் முகாமையாளராகப் பணியாற்றி வந்தார்.
உயிரிழந்தவர், அனுராதபுரத்திலிருந்து எப்பாவளவை நோக்கி மோட்டார் சைக்கிளில் பயணித்துக் கொண்டிருந்தபோது, காலை சுமார் 7.10 மணியளவில், ஏ-28 சாலையில் இரு கம்பங்களுக்கு இடையே 79-80 கிலோமீட்டர் தொலைவில் உள்ள ஆலங்குளம் பகுதியில், அலியாகலாவிலிருந்து அனுராதபுரத்தை நோக்கிச் சென்று கொண்டிருந்த ஒரு தனியார் பேருந்துடன் நேருக்கு நேர் மோதி விபத்துக்குள்ளானர்.