மட்டக்களப்பு,களுவாஞ்சிகுடி பொலிஸ் பிரிவுக்குட்பட்ட பெரியபோரதீவு சந்தியில் பஸ்ஸில் இருந்து இறங்கி நடந்துசென்ற பெண்னொருவர் உயிரிழந்துள்ளமை தொடர்பில் பொலிஸார் பல்வேறு கோணங்களில் விசாரணகளை முன்னெடுத்துள்ளனர்.
இன்று காலை வெல்லாவெளியில் இருந்து பெரியபோரதீவுக்கு பஸ்ஸில் சென்ற பெண்னொருவர் பஸ்ஸில் இறங்கி சென்று கொண்டிருந்தபோது வீழ்ந்து உயிரிழந்துள்ளார்.
குறித்த பெண் மரவேரில் தடுக்குப்பட்டா அல்லது பஸ் மோதியதனால் அல்லது வேறு காரணங்களினால் உயிரிழந்தாரா என்ற வகையிலான சந்தேகத்தின் அடிப்படையில் விசாரணைகள் முன்னெடுக்கப்பட்டுவருவதாக களுவாஞ்சிகுடி பொலிஸார் தெரிவித்தனர்.
எனினும் இந்த சம்பவம் தொடர்பில் இலங்கை போக்குவரத்துசபைக்குரிய பஸ் சாரதி கைதுசெய்யப்பட்டுள்ளதுடன் விசாரணைக்காக பஸ்ஸ{ம் தடுத்துவைக்கப்பட்டுள்ளது.
பிரேத பரிசோதனை அறிக்கையினை தொடர்ந்து மரணம் தொடர்பான விடயங்கள் கிடைத்ததும் மேலதி விசாரணைகள் முன்னெடுக்கப்படும் என பொலிஸார் தெரிவித்தனர்.
உயிரிழந்த பெண்ணின் சடலம் களுவாஞ்சிகுடி ஆதார வைத்தியசாலையில் வைக்கப்பட்டுள்ளதுடன் இது தொடர்பான விசாரணைகளை களுவாஞ்சிகுடி பொலிஸார் முன்னெடுத்துவருகின்றனர்.
