c 982-💥ஈழத்தில் நடைபெற்ற💥 முள்ளிவாய்க்கால்க் கொடூரம்💥💥🪔🪔

 2009 இல்ஈழத்தில் நடைபெற்ற முள்ளிவாய்க்கால்க் கொடூரம்
கவிதை
 முள்ளிவாய்க்கால் நந்திக் கடலே எங்கள் வீரத் தமிழினம் கொன்றொழிக்கப்பட்ட உனது கரையெங்கும் மெதுவாக அலையேறி அஞ்சலித்து !!— மெளனித்து !! தமிழனின் குருதி கலக்கப்பட்ட செந்நுரையாய் உருண்டு நினைவலைத் துயர் சுமந்து தவிக்கின்றாயோ 

எத்தனை எத்தனை ஆயிரமாய்த்தமிழன்
தீயாய்க் கருகிச் சுருண்டு மாண்டு போனமண்
மானத் தமிழனின் குருதியாறு பாய்ந்த மண் வீழ்ந்து கிடந்து தடிதுடித்து உயர்பிரிந்த வீரத்தமிழனின் ரத்தம் பாய்ந்து உரமேறிய வீரத் தமிழ் மண் முள்ளிவாய்க்கால்.

கால் இழந்தும் கை இழந்தும் உடல்த் துண்டங்களாய்ப் போனதமிழன் எரிந்துபோன சாம்பல்க்காடு முள்ளிவாய்க்கால் தமிழனின் மானமும் வீரமும் புதையுண்டு கொடிய அரக்கர்களால் எரியூட்டப்பட்ட கொடூரம் தாங்கிய ஈழத்து மண் முள்ளிவாய்க்கால் :

.

கொத்துக் கொத்தாய்ப் பாய்ந்து வந்த பகைவனின் எறிகணையிலும் சிதறிப் பரிதவித்து உயிரைக் காப்பாற்றுவதற்காய். பாதி வழியிலே கஞ்சுமருந்தி மீதி வழியிலே ரத்தாறாய் உடல்த் துண்டங்களாகிய துயரம் சுமந்த ஈழத்து மண் தான் முள்ளிவாய்க்கால் , 

பிஞ்சுக்குழந்தைகளைக் கையிலேந்தி எறிகணைக்குள்

சிக்கித்தவித்துச் செல்லுகையில் கொத்துக்குண்டினாலே காவு கொள்ளப்பட்டு உயிர் பிரிந்த தாய் சரிந்து வீழ்ந்த போது கையில் இறுகப் பற்றியிருந்த குழந்தை தாய் இறந்தது தெரியாமலே தாயில்ப் பாலுண்ட சோகங்களும் ததும்பிய மண் தான் முள்ளிவாய்க்கால் 

தெருவிலே பதுங்கி எறிகணைக்குள்ப் பதை பதைத்துச் சென்ற போதும் கூட வந்த தாய் தந்தையென இருவரும் ஒரே நேரம் ஒரே எறிகணையில் உயிர் பிரிந்து ரத்தாற்றினோடு சரிந்து விழ
என்னம்மா அப்பா ரத்தத்துள்ள நித்திரையாகிற்றிங்கள் என்று இருவரும் இறந்தது தெரியாமல் எழுப்புங்களம்மா எழுப்புங்களப்பா என்று
ரத்தாற்றின் மேல் மண்டியிட்டு இறந்து விட்ட தாய் தந்தையரை எழச் சொன்ன குழந்தைகளின்
அலறல்களும் ஓங்கி ஒலித்து,ஓய்ந்து ,தேய்ந்து போன வார்த்தையென
எத்தனை கொடுமைகளைத் தாங்கி
கயவர்களினால் துயரம் சுமந்து கரைந்து போனது முள்ளிவாய்க்கால் மண்

ஆறாத் துயரில் மூழ்கி
மீளாத் துயில் கொண்டோரையும்
ஆறாத வடு சுமந்து வலி கொண்டு வாழ்வோரையும்
உறவுகளைப் பிரிந்து சுமை தாங்கி வாழ்வோரையும் நினைவு கூரும் 18,05,2026, இன்றைய முள்ளிவாய்க்கால் நினைவேந்தல் நினைவுகளுடன் என்றும்

— அன்புடன் திருமதி சக்தி
: