நெதன்யாகு ஆட்சியை இழக்கலாம்: அடுத்த பிரதமராக காடி ஐசன்காட் – முன்னாள் அமைச்சர் கணிப்பு நடைபெற்ற தேர்தலைத் தொடர்ந்து, பிரதமர் பெஞ்சமின் நெதன்யாகு ஆட்சியை இழக்கக்கூடும் என்றும், அவருக்குப் பதிலாக காடி ஐசன்காட் நாட்டின் அடுத்த பிரதமராகப் பதவியேற்க வாய்ப்புள்ளதாகவும் இஸ்ரேலின் முன்னாள் நீதி அமைச்சர் யோசி பெயிலின் கணித்துள்ளார்.
நெதன்யாகுவின் லிகூட் கட்சி தனிப்பெரும் கட்சியாக உருவெடுத்தாலும், புதிய அரசாங்கத்தை அமைப்பதற்குத் தேவையான கூட்டணிக் கட்சிகளின் ஆதரவே தீர்மானிக்கும் காரணியாக அமையும் எனக் கூறப்படுகிறது.
நெதன்யாகுவுக்கு எதிராகப் போட்டியிட்ட கட்சிகள் ஒன்றிணைந்து கணிசமான பெரும்பான்மை இடங்களைக் கைப்பற்றியுள்ளதாகவும் தெரிவிக்கப்படுகிறது.
ஜனாதிபதி டொனால்ட் ட்ரம்
இஸ்ரேலிய அரசியலில் பாலஸ்தீன விவகாரம் தொடர்ந்து முக்கிய இடத்தைப் பிடித்துள்ளது.
அமெரிக்க ஜனாதிபதி டொனால்ட் ட்ரம்ப்பின் காசா அமைதித் திட்டத்துக்கு நெதன்யாகு வாய்மொழி ஆதரவை மட்டுமே வழங்கி வந்ததாகக் கூறப்படும் நிலையில், அந்தத் திட்டத்தை முழுமையாகச் செயல்படுத்த ஐசன்காட் உறுதியளித்துள்ளதாகத் தெரிவிக்கப்படுகிறது.
எனினும், அரசியல் கட்சிகளுக்கு இடையில் கூட்டணி ஒப்பந்தம் உத்தியோகபூர்வமாகக் கையெழுத்திடப்படாததுடன், இறுதித் தேர்தல் முடிவுகளும் வெளியாகாத நிலையில், யோசி பெயிலின் இந்தக் கணிப்பை வெளியிட்டுள்ளார்.